Vila tradicionalmente vencellada á industria conserveira, baleeira e pesqueira.

Hoxe en día é o centro comarcal de negocios, foco atractor de investimento e traballadores cualificados, sendo un dos poucos concellos do país que gaña poboación.

Acerca do Concello de Cee

Subscribirse ó boletín

 

Actividades para os nenos do luns e martes de entroido

08/02/2016 -

Este luns 8 de marzo, a Casa de Cultura do Concello de Cee acolleu diferentes actividades para os máis cativos da casa. Empezamos ás 11.00 horas cunha sesión de Ioga para nenos que foi impartida polos alumnos do Obradoiro de Emprego Camiño do Solpor II. Con esta actividade, que tivo moi boa acollida nos Concellos de Cee, Corcubión e Fisterra, pretendeuse achegar esta disciplina ós rapaces que desfrutaron moito coa novedosa experiencia. En total participaron nas distintas sesións 50 nenos con idades comprendidas entre os 4 e os 12 anos. De seguido foi o turno para a sesión de maquillaxe, moi apropiada neste días, para rematar a xornada cunha sesión de contos da man de Merceds Fraga, normalizadora lingüística do Concello de Cee. Esta sesión, que tivo lugar na sala de conferencias próxima á biblioteca pública Francisco Mayán, foi o colofón a unha xornada matinal que terá continuación mañá martes, pola tarde, cunha festa con inchables e sesión disco a partir das 16.30 horas. Terá lugar na Praza da Constitución ou no Polideportivo Municipal en función das condicións metereolóxicas.

 

   

CONVOCATORIA PROBAS CELGA ABRIL 2016

05/02/2016 -

Dende o Servizo de Normalización Lingüistica do Concello de Cee informamos sobre o prazo de inscrición para a realización das probas de acreditación de lingua galega (CELGA) no mes de abril 2016.

Premer aquí para consultar datas, lugares de realización, vías de inscrición, etc.

   

O CONCELLO DE CEE CONMEMORA O 179 ANIVERSARIO DO NACEMENTO DE ROSALÍA DE CASTRO

01/02/2016 -

Dado que o 24 de febreiro se cumpren 179 anos do nacemento de Rosalía de Castro, esta Alcaldía, a través do Servizo de Normalización Lingüística, comunica que ao longo de todo o mes de febreiro permanecerá colgada na fachada principal da Casa Consistorial a bandeira de Galicia xunto cuns versos de Rosalía dedicados ás nenas de Cee.

Ademais, desde o concello procedeuse a entregar en todos os locais de hostalería e nas librarías distintos poemas desta autora para seren colgados nestes establecementos e que a xente poida coñecer un pouco máis a obra rosaliana.

   

AXUDAS A ALUMNADO UNIVERSITARIO QUE, POR CAUSAS SOBREVIDAS OU IMPREVISTAS, TEÑA DIFICULTADES ECONÓMICAS PARA CONTINUAR ESTUDOS

29/01/2016 -

Convócase axudas ao alumnado que cursen estudios universitarios no curso 2015/2016, nas universidades galegas, cunha necesidade urxente de recursos económicos motivada por causas sobrevidas e imprevistas que lles impidan ou dificulten a continuidade dos seus estudos.

Convoca: Consellería de Educación e Ordenación Universitaria. Xunta de Galicia

Orde do 18/12/2015 DOG  nº19, 229/01/2016

   

Páxina 1 de 28